IGINIIT ni Presidential aspirant Ferdinand ‘Bongbong’ Marcos. Jr. na makabubuti sa unti-unting pagbangon ng ekonomiya mula sa krisis na dulot ng pandemya ang pagpapabalik sa operasyon ng micro, small and medium enterprises (MSMEs).

Ayon sa standard-bearer ng Partido Federal ng Pilipinas (PFP), ang pagpapalawak sa mga bilang ng mga workers na nabibigyan ng bakuna laban sa COVID-19 ay isang malaking hakbang upang maibalik ang kumpiyansa para sa muling pagbubukas ng mga negosyo at muling makapaghanap-buhay ang mga manggagawa sa iba’t ibang sektor ng industriya, kabilang ang mga MSMEs.

“Let’s allow the small businesses to operate again because the economy will not move if there is no economic activity. There must be someone who will buy and avail services because it has a multiplier effect that can help in the recovery of the economy,” pahayag ni Marcos.

“As long as they are vaccinated, let’s allow them to go out and work. Let’s give them a privilege since they are already safe,” aniya.

Naniniwala si Marcos na sa pagbubukas ng mga negosyo, makakaagapay ang ekonomiya ng bansa na pinasadsad ng pandemya, gayundin ang muling pagsigla ng kalakalan at makapag-hanap buhay muli ang mga displaced workers, gayundin ang pagbabalik normal sa sistema ng pagtatrabaho na lubhang nagpahirap sa ating mga kababayan sa nakalipas na halos dalawang taon ng pakikibaka sa pandemya.

Sa datos ng Philippine Statistics Authority (PSA), umabot sa 3.76 milyon Pinoy ang nananatiling walang trabaho mula pa noong Hunyo 2021. Ayon sa pamahalaan, ang pagtaas sa 7.7 percent unemployment rate ay resulta nang limitasyon sa uri ng hanapbuhay na mapapasukan bunsod ng mahigpit na pagpapatupad ng quarantine, partikular sa National Capital Region (NCR).

“If you look into the lives of Filipinos, they are looking for jobs right now as they need money to support their families. We need to have an extensive approach so that everyone will benefit,” paliwanag ni Bongbong.

Naniniwala si Marcos na dapat bigyan ng prayoridad ang pagbalangkas sa pagkakaroon ng hanapbuhay sa sandaling maabot ng pamahalaan ang target na ‘herd immunity’ o 70 porsiyento ng kabuuang populasyon ng bansa na nabigyan nang kumpletong bakuna laban sa COVID-19.

“The opening of our economy must be well-planned in order for us to return to our normal lives,” pahayag ni Marcos.

AUTHOR PROFILE

People's Journal