Bagong headquarters ng MDTEU binuksan
PINANGUNAHAN nina Manila Mayor Isko Moreno at Manila Police District MDP Director PBGen Leo Francisco ang pagpapasinaya sa gusali ng MPD District Traffic Enforcement Unit (MDTEU) sa Blumentritt St., Sta. Cruz, Maynila.
Sinabi ni Manila Mayor Isko Moreno na ang bagong tayong gusali ay nagkakahalaga ng P30 million.
Ayon pa kay Moreno, mayroon na ngayong sariling “tahanan” o headquarters ang naturang unit at panghabambuhay na ito nilang gagamitin. para sa mga kapulisan ng Maynila.
Dagdag din ni Moreno na mayroom ding sariling gasoline station ang nasabing headquarters na “one to sawa.” Ibig sabihin nito ay hindi mauubusan ng produktong langis para sa mga sasakyan ng traffic unit ng MPD na ginagamit sa trabaho at pag-responde.
Lubos naman ang pasasalamat ni Francisco at nangako itong aalagaan at pagkakaingatan ang nasabing bagong headquarters. Sinabi rin nito na papanatillin ang maayos na serbisyo ng MPD sa publiko dahil sa suportang ipinagkakaloob sa kanila ng Manila LGU. Kasama si Itchie G. Cabayan