16 kilos ng mudcrab nahuli sa Batangas field day
LABING-ANIM na kilo ng mudcrab o alimango ang nahuli noong Marso 14 sa Mangrove Crab Culture Project Harvest Field Day sa Brgy. Bunducan, Nasugbu, Batangas.
Ayon kay Paul John Caunan, Aquaculturist II ng Office of the Provincial Agriculturist (OPAg), inaasahang aabot sa 420 kilogram ng mga alimango ang mahuhuli sa proyektong ito.
Layunin ng OPAg na higit pang paunlarin ang industriya ng pag-aalimango at magbigay ng karagdagang kita at kabuhayan sa 26 miyembro ng Barangay Bunducan Farmers Association.
Nakiisa sa aktibidad sina 1st District Board Member Armie C. Bausas, Provincial Administrator Wilfedo D. Racelis, Provincial Fisheries Office-OIC Krystine O. Escosura, Nasugbu Municipal Agriculturist Lora L. Destreza at PSA representative Raul Tolentino.
