AABOT sa US$4 bilyon o P220 bilyong halaga ng investment deals ang nakuha ni Pangulong Ferdinand “Bongbong” Marcos Jr. sa tatlong araw na working visit sa Germany.

Nakuha ni Pangulong Marcos ang mga kasunduan sa Philippine-Germany Business sa Berlin na inorganisa ng Department of Trade and Industry (DTI).

Sa walong kasunduan, tatlo ang letters of intent (LOI) mula sa iba’t ibang German companies, dalawang memoranda of agreement, at tatlong memoranda of understanding (MOU).

Laman ng unang LOI ang pagdevelop sa partner hospital para maging training centers.

Laman naman ng ikalawang LOI ang development ng Innovation Think Tank (ITT) hub at “spoke model” para sa innovation ecosystem sa Pilipinas.

Lamam ng ikatlong LOI strategic at digital partnership sa healthcare sa Department of Health (DOH) sa hangarin na matiyak ang kaligtasan, de kwalidad, accessibility at abot kayang serbisyo.

Nilagdaan din ng dalawang bansa ang memorandum of agreement sa pamamagitan ng Public Private Partnership para i- rehabilitate, reclaim, at recultivate ang mga degraded farm lands sa bansa.

Layunin naman ng ikalawang MOA ang pagpapalawak sa mobility solutions, software services, manufacturing, factory automation, logistics services, energy, security, at safety systems para sa mga gusali, consumer appliances, at healthcare.

Laman ng MOUs ang pamumuhunan sa fully integrated solar cell manufacturing facility, manufacturing facility para sa automobiles at pagtatayo ng data centres para sa digital insurance platform para sa Pilipinas at ASEAN region.

AUTHOR PROFILE

Chona Yu