SA kanyang 57th birthday nitong January 6, Biyernes, ay nag-post ng isang video sa Instagram ang Megastar na si Sharon Cuneta kung saan makikitang kinakantahan siya ng happy birthday ng kanyang pamilya pati na ang kanilang mga yaya.

Sa caption, sinabi ni Sharon na touched siya tuwing bibigyan siya ng kung anu-ano ng mga ito mula sa pinagsama-sama nilang pera.

Aniya, “My family!!! And our angel yayas!!! I am always touched when they give me anything — they pool their money together and if that’s not a display of love I dunno what is! My family means everything to me! Last night Yellie sent me a message at midnight even waking up just to do so before going back to sleep. My husband hugged and kissed me when I got home and my precious boy stayed up to hug and kiss me too! Then my bestie Baba Kakie came in and we just hugged and talked and — haaay basta they make me feel so loved! Thank You, Lord Jesus for all these blessings!”

Ipinagdarasal din daw ni Sharon ang kaligayahan ng panganay na si KC Concepcion, “I also pray for the happiness and all the love in the world for my eldest @kristinaconcepcion . I have everything I need. Plus a huge bonus from God — all YOUR love!!! Praise God and my heart is so full and grateful!”

KABAYAN NOLI, BALIK-‘TV PATROL’

Muling mapapanood ng sambayanang Pilipino si Kabayan Noli de Castro sa TV Patrol upang maghatid ng mga nagbabagang balita simula bukas, Lunes (Enero 9).

Ihahatid ni Kabayan ang pinakahuling balita sa selebrasyon ng “Nazareno 2023” nang live mula sa Quirino Grandstand.

“Magkita-kita tayo sa Lunes. Live ho ako sa Quirino Grandstand para sa TV Patrol,” ayon kay De Castro sa programa niyang Kabayan sa TeleRadyo nitong Biyernes (Enero 6).

Makakasama niya sina Henry Omaga-Diaz, Karen Davila at Bernadette Sembrano sa paghahatid ng balita sa mga Pilipino saan man sa mundo.

Patuloy rin siyang mapapanood sa kanyang public service show na Kabayan at ng morning newscast na TeleRadyo Balita kasama si Joyce Balancio sa TeleRadyo.

Napapanood ang TV Patrol mula Lunes hanggang Biyernes, 6:30 p.m., habang napapanood naman ang TV Patrol Weekend tuwing Sabado at Linggo, 6 p.m., kasama sina Alvin Elchico at Zen Hernandez.

Available ito sa A2Z, Kapamilya Channel, Kapamilya Online Live, iWantTFC, youtube.com/ABSCBNNews, news.abs-cbn.com/live at iba pang ABS-CBN News digital platforms.