Sa kabila ng El Niño – NIA

“…Nitong first quarter ay tumaas po iyong production natin ng palay despite na bumaba na iyong nataniman ng palay… Hindi lang iyon, pati iyong corn production natin ang laki ng itinaas…”

Ito ang inihayag ng administrator ng National Irrigation Administration na si Eduardo Guillen sa isang press briefing sa Malacañang nitong Martes.

Aniya, pinataas ng mga magsasaka ang kanilang produksyon ng palay at mais sa kabila ng El Niño phenomenon, sa pamamagitan ng paggamit ng diskarte sa pagsasaka na nag-o-optimize sa paggamit ng tubig.

“May lumabas po na PSA (Philippine Statistics Authority) report lately alam na ang sinasabi po nitong production natin nitong El Niño time natin, nitong first quarter ay tumaas po iyong production natin ng palay despite na bumaba na iyong nataniman ng palay,” sinabi ni Guillen.

“Hindi lang iyon, pati iyong corn production natin ang laki ng itinaas ano po – mga 5.9 percent kung hindi ako nagkakamali,” dagdag pa nito.

Sa isang harvest festival nitong linggo sa Guimba, Nueva Ecija, sinabi ni Guillen na ang isang magsasaka ay umaani ng hindi bababa sa 12 tonelada ng palay sa bawat ektarya, na nagpapakita ng pagtaas ng ani sa paggamit ng alternate wetting and drying (AWD) planting strategy.

Ilang magsasaka pa nga ang umani ng hanggang 19 metric tons kada ektarya, dagdag niya.

Para sa ilan, ang isang 969 metro kuwadrado ng lupa ay gumawa ng 32 cavan ng palay. Ang cavan ay isang dami ng bigas, palay o mais na inilalagay sa isang sako na tumitimbang ng 50 kilo.

“Makita ni Presidente itong ginagawa natin dito, eh matutuwa ‘yun. Kita mo ‘to ah, El Niño pa,” pahayag ng isang festival participant sa isang video recording.

Ayon sa hepe ng NIA, nagawa ng ahensya na patubigan ang 99 porsiyento ng mga irigasyon na lugar sa bansa sa simula ng tagtuyot, na nag-iiwan lamang ng isang porsyento na hindi natubigan.

Upang mapakinabangan ang paggamit ng lupa, ang mga magsasaka ay nagtanim ng mga matataas na halaga na mga pananim tulad ng mais sa non-irrigated tail-end area.

“And then, ang aming pronouncement noon pa ay itong ating ginagawang alternate wetting and drying technology ay malaking tulong po para mapababa ang… mas marami ang ating mapatubigan kasi nakakatipid tayo ng around 30 percent ng tubig,” sabi ni Guillen.

“Sa ating karanasan, ito po ay tumataas din ang ani ng ating mga magsasaka sa pamamagitan ng… ito pong AWD technology natin. So, itong report na nga ng PSA na ito ay nagpapatunay po doon sa ating direksyon at iyong tama po ang ating ginagawa at ipagpapatuloy natin iyon, itong sistema na ito,” diin pa nito.