Magagandang review, reward para kay Nadine
FLATTERED si Nadine Lustre matapos tumanggap ng rave reviews para sa kanyang pagganap bilang content moderator na si Lyra sa Viva Films Metro Manila Film Festival entry na Deleter.
Bukod sa recent private screening ay magkakaroon ng red carpet premiere night ang pelikula sa SM Megamall ngayong gabi.
Sa interview ng ABS-CBN News kay Nadine sa katatapos na Parade of Stars, sinabi ng aktres na na-i-excite siya tuwing makababasa ng naggagandahang review online.
“Especially the ones Direk (Mikhail Red) is posting because I know that I did well and I’m just really, really happy to be acting again and to be doing something that I really want to do. So, I think ‘yun pa lang is already a reward in itself,” aniya.
Masaya rin daw ang dalaga na muling maka-attend ng Parade of Stars dahil na-miss niya ang kanyang fans at medyo matagal-tagal din itong nahinto dahil nga sa Covid-19 restrictions the past years.
“It feels good! Na-miss ko lahat ng mga tao and it’s been a while since we’ve had an mmff, well, festival. So, I’m really excited to see everyone in the cinemas on December 25,” dagdag pa niya.
Mga proyektong gaya raw ng Deleter ang type gawin ni Nadine sa taong 2023.
“I like challenges,” rason niya.
Samantala, nasa cast din ng Deleter sina McCoy de Leon, Louise delos Reyes at Jeffrey Hidalgo.
