SA gitna nang pag-shoot ng pelikula nila Jennylyn Mercado and Dennis Trillo, nagawa pa rin nilang maplano ang 2nd birthday party para sa kanilang unica hija na si Dylan.

Sesame Street ang theme ang birthday party ni Dylan at nag-pose pa sina Jen at Dennis suot ang costume ng Moonbugs na sina Blippi at Meekah.

“Two years ago, you made us the happiest parents in the world. Happy 2nd birthday our little princess! Love, Mama Meekah and Papa Blippi,” caption ni Jen via Instagram.

Kasalukuyang sinu-shoot nila Jen at Den ang pelikulang ‘Everything About My Wife’ na Philippine adaptation ng isang Argentinian film.

Si Dennis naman ay nagsimula na ring mag-taping para sa historical drama ng GMA na ‘Pulang Araw.’

Ruru at Jon maghaharap muli

MAGHAHARAP na muli sina Ruru Madrid at Jon Lucas sa full action series na Black Rider.

Inaakala ng karakter ni Ruru na si Elias na patay na si Calvin na karakter naman ni Jon. Pero malapit nang muling magkita ang dalawa para sa panibagong madugong bakbakan.

Nag-post ni Ruru sa kanyang Instagram account ang ilang litrato ng kanyang paghahanda para dito. May isang maikling video din ng choreographed na suntukan nila ni Jon.

Patuloy na tumutok sa mga parating na episodes ng 2024 New York Festivals bronze medalist na Black Rider.

PNE nagkaroon ng biglaang reunion, musical na inspired sa kanta nila tagumpay

NATUWA ang fans ng bandang Parokya Ni Edgar dahil nagkaroon ng biglaang reunion ang anim na original members.

“May gig kami kanina sa Tispy Pig Timog, tapos kumpleto kami. Sobrang sarap ng tugtugan namin kanina and sobrang special para sa amin na kumpleto kami, after everything that we’ve been through. It just felt so natural,” masayang balita ni Chito.

Kahit raw busy ang ibang miyembro ng banda at ‘yung iba ay matagal nang hindi tumugtog, wala raw iwanan sa samahan nila.

“Buwi arrived from the US, tapos si Dindin, first time nya tumugtog after his major operation more than 6 weeks ago. Si Vinch naman, tutugtog lang kung trip niya and syempre, si Gab na nagka-cancer a year ago. Pero, after everything, and at the end of the day, solid pa rin kami. And tulad ng paulit-ulit kong sinasabi mula pa dati: “walang iwanan sa Parokya band,” diin pa ni Chito.

Naging huge success ang naging world tour nila last year sa US at Canada. At noong April 26 ay nagbukas na ang musical inspired sa music nila na Buruguduystunstugudunstuy: Ang Parokya ni Edgar Musical.

Sumikat ang Parokya Ni Edgar noong kasagsagan ng band era in 1993. Naging hit singles nila ay “Buloy”, “Lutong Bahay”, “Picha Pie”, “Inuman Na”, “Mr. Suave” at “This Guy’s in Love With You, Pare.”