KUNG dati ay “pangarap” lamang para sa isang siyudad, magiging totoo na ito sa Antipolo City.

Pero para kay Antipolo City Mayor Casimiro “Jun” Ynares III, nagsimula na nila itong gawing reyalidad matapos nilang makipagpulong sa mga dayuhang consultants sa Department of Transportation (DOTr).

Nagpresenta ng pre-feasibility study phase, at proposal ang mga ito sa project na may kinalaman sa pagtatayo ng “cable cars.”

Ang cable cars ay inaasahan na magpapagaan sa trapik, at makakatulong sa mga motorista at mga Antipolenyo na akyat-baba sa siyudad para sa trabaho o turismo sa mga nagtutungo sa siyudad.

Sinabi pa ni Mayor Jun, na ang cable cars ay magdadala sa mga commuters sa mga lugar sa Antipolo at mga business districts at transportation hubs.

“We left the briefing with a feeling that the project is still far on the horizon, but is closer more than ever to reality,” sinabi ni Mayor Jun.

Aminado rin si Mayor Jun na magagamit itong cable cars para sa turismo.

Maihahalintulad din ito sa sikat na cable car sa Hong Kong.

“The consultants showed us what the cable cars would look like, and they do resemble the cable cars of Hong Kong’s Ocean Park or the one that brings tourists from the island’s Tung Chung train station to Lantau Island,” sinabi nito.

“They resemble mini-versions of our newer LRT trains,” dagdag niya.

Ito ang magiging kauna-unahan na pang-transportasyon sa Pilipinas na makakatuklong sa pagpapalago lalo sa ekonomiya ng Antipolo City.

Dahil din sa cable car maaaring makita ang Metro Manila habang bumibiyahe paakyat.

Kasama ang pulong sa consultants pre-feasibility phase kung saan sinasabing kailangan ng pondo na US$261,000 na maaari naman na makuha mula sa Asian Development Bank (ADB).

“We were no longer talking about whether it should be built or not, nor is this something we must build or not. The idea of cable car services in the country, it appears, has gone beyond the imagination stage. We are ready to move it forward,” sinabi ni Mayor Jun.

Dagdag naman sa posibleng istasyon ang Rizal Provincial Capitol at ang Antipolo City campus sa University of Rizal System.

Idudugtong din ito sa MRT at LRT stations.

“The idea is for the cable cars from these stations would connect commuters to two or three stations of MRT 4 – the line being built which will ply the Ortigas Avenue Extension route,” sabi nito.

“With a cable car service, it should take commuters just a few minutes to go from Antipolo to an MRT 4 station. That could potentially mean decreasing the volume of vehicles coming down from Antipolo to Tikling, particularly during rush hour,” dagdag ni Mayor Jun.

Sa ibang bansa, ang cable cars ay hindi na lang tourist attractions. Nitong 2004, naglagay ang Colombia ng cable cars sa transportation system. Sa New York, Venezuela, Algeria, Bolivia, Vietnam, ginawa na rin ito.

“More importantly, it would bring commuters faster to their schools and work destinations. They would be spending less time traveling and more time on productive endeavors,” sabi pa ni Mayor Jun.

Target ng Antipolo mayor na matapos ang proyekto sa ilalim ng administrasyon ni Pangulong Ferdinand R. Marcos Jr., na determinado rin na magkaroon ng cable cars sa Pilipinas.

Naunang itinulak ni Senator Robinhood Padilla na magkaroon ng cable cars sa bansa bilang solusyon sa trapiko sa Metro Manila na iminungkahi rin ng DOTr ng nagdaang administrasyon.