PERSONAL na tinanggap ni Sarah Geronimo ang kanyang Global Force Award mula sa Billboard Women in Music 2024 sa awards rites na ginanap sa YouTube Theater, Los Angeles, California nitong March 6.

Sa Instagram Story ng mister ng Popstar Royalty na si Matteo Guidicelli ay proud niyang ipinost ang tropeo ng kanyang wifey.

Caption ng aktor, “Ladies and gentlemen. @justsarahgph” with Philippine flag icon.

Nag-post din si Matt ng photo ni Sarah with co-honoree Annalisa from Italy. Ibinahagi rin ng aktor ang ilang kaganapan sa nasabing event.

Sa YouTube channel naman ng Billboard ay mapapanood ang red-carpet interview kay Sarah kung saan ay hindi niya nakalimutang bigyang-pugay ang inang si Mommy Divine.

Ayon kay Sarah, hindi niya inasahan na makatanggap ng nasabing parangal.

“It’s very unexpected. I mean, to be considered as Global Force and for me, a Global Force means having that influence, that power to influence people and it also comes with a big responsibility, right?

“You have to be mindful about the materials that you put out there. So, you have to create change and positivity towards other people,” pahayag ni Sarah.

Natanong din siya kung ano ang feeling niya na dumalo sa isang event na tulad nito na pinararangalan ang mga kababaihan.

“Women are beautiful, women are strong and now that I am married, I understand how marriage can be difficult sometimes,” sey ni Sarah na natatawa.

“And men are beautiful as well, I mean, the way they manage (sabay-tawa), they cope up with you know everything that goes in with our minds as women. I also would like to salute men on how they take care of us, women,” ani Sarah.

Sa puntong ito ay binanggit na ni Sarah si Mommy Divine.

“Women, especially mothers out there, shout out out to my mother, Mommy Divine Geronimo, you are the best, you are my hero. I love you very much.

“I mean, I cannot imagine myself being a mother, all the sacrifices that a mother has to do for their child, it’s mind blowing,” pahayag ni Sarah.

Sa huli ay sinabi ng aktres/singer kung gaano siya ka-proud na i-represent ang ating musika.

“I’m truly honored to be here to represent our country and our music. The Filipino music, mabuhay ang OPM!” sigaw ni Sarah na may bagong hairstyle.

Sa video namang ipinost niya sa IG pagkatapos ng awarding, ikinuwento ni Sarah na sumumpong ang hives (rashes) niya dahil sa excitement.

Hindi rin niya napigilang humanga sa kagandahan ng sikat na inernational singer na si Katy Perry. ‘Yun nga lang, medyo nalayo umano ang upuan nito sa kanila ni Matteo.