Pamilya Ravelo, todo-suporta sa Darna outfit ni Celeste sa Miss U
DARNA sa universe stage. ‘Yan ang kakaibang paandar ni Celeste Cortesi, pambato ng Pilipinas sa 71st Miss Universe pageant, sa katatapos na preliminaries kung saan Darna costume ang kanyang ginamit sa National Costume competition.
Hindi ito pinalagpas ng mga nasa likod ng Darna TV series sa Kapamilya network na nagsabi na gaya ng iba pang mga Pinoy, proud sila sa napili ni Cortesi.
“We are proud of Miss Universe Philippines 2022 Celeste Cortesi for championing Darna on the world stage through the 71st Miss Universe national costume competition.
“The Ravelo family extends their full support, gratitude and excitement for the opportunity to show Darna to a global audience through our country’s official Miss Universe representative.
“We hope that, like our beloved Filipino superheroine, Celeste will continue to serve as a source of inspiration and empowerment for women all around the world,” ang nakasaad sa program statement na inilabas ng produksyon.
Gaya ng kanyang preliminary evening gown, ang designer na si Oliver Tolentino rin ang gumawa ng Darna outfit ng Pinay-Italian beauty.
Ang 71st Miss Universe pageant night ay gaganapin sa New Orleans Morial Convention Center, New Orleans, Louisiana, USA sa January 14.
