Kelot tumatawid natumbok, tigok
DEDO ang isang lalakI matapos mabundol ng motorsiklo habang tumatawid sa Brgy. Pulong Balibaguhan, Mabini, Batangas noong Sabado.
Alas-2:40 ng hapon, ayon sa Mabini police, ng matanggap nila ang balita tungkol sa pagkakabundol kay Romeo Sernal Genon, 54, ng motorsiklo ni alyas Darwin, 45.
Base sa imbestigasyon, bandang ala-1:50 ng hapon ng masalpok ang biktima ng motor.
Dinala siya sa ospital sa Mabini, Batangas at doon idineklarang dead-on-arrival ni Dr. Bejer, ang attending physician.
Kasalukuyang nakadetine ang rider sa Mabini police station.
