SINUPORTAHAN ng biyenan niyang si Annabelle Rama ang launching ni Sarah Lahbati bilang celebrity endorser ng Tessera Jewelry na ginanap sa Manila House Private Members Club kamakailan.

Gaya ni Tita Annabelle, nagniningning ang mga suot na diamond ng misis ni Richard Gutierrez nang humarap sa press at ilan pang guests.

Ayon sa Viva Artists Agency (VAA) talent, isa si Tita Annabelle sa kanyang advisers pagdating sa pagpili ng mga alahas.

Wise investment pieces daw ang mga ito lalo na tuwing may emergency.

Kwento ni Sarah, napakagalante ng kanyang biyenan na nireregaluhan siya ng alahas na may diamonds ’pag Pasko.

Ganu’n din daw ang mister na si Richard na ilang beses na rin siyang niregaluhan ng diamond pieces.

Kaya naman ngayong endorser na siya ng Tessera Jewelry ng mag-asawang Patpat at Carl Fider, eh, si Tita Annabelle naman daw ang dadalhin niya sa shop para regaluhan kasama sina Ruffa at ang mga anak nito.

Speaking of Pat and Carl, sinabi nila na si Sarah ang perfect choice para maging Tessera Lady dahil kapareho nila ito ng passion and love for diamond jewelries.

Ang Tessera Lady daw ay someone who aspires for great things in life, hardworking, driven, passionate and simply loves life.

“She celebrates small and big things and carries herself with beauty and class whatever role she portrays — being a mom, a wife, an entrepreneur, a boss, a leader. She is someone who is beautiful and elegant,” diin ni Pat.

AUTHOR PROFILE

Ian F. Fariñas