Albie, palaban sa pagpapaseksi
WALANG kaarte-arteng inamin ni Albie Casiño na bukas siya sa paggawa ng sexy roles sa pelikula. Sa tanong kung hanggang saan siya magpapaka-daring onscreen, aniya, hanggang sa makakayang panoorin ng mommy niya.
“I’m open to do roles like that, obviously, ‘di ba? But I don’t look at the script … I don’t see, ‘oh, this is a sexy movie, drama movie,’ you know, because, you know, in life, all genres are in life, eh, ‘di ba? If I like the script, I’ll do it. Hindi naman ako nahihiya magpakita ng skin, you know what I mean? Ako pa ba ‘yung mahihiya? So, its okay with me,” paliwanag ng isa sa mga bida ng Viva Films at Feast Foundation movie na Call Me Papi na mapapanood sa mga sinehan simula December 7.
Para kay Albie, mahalaga ang mensahe ng pelikulang dinirek ni Alvin Yapan dahil ipinapakita rito na pamilya ang pinakaimportante.
Aniya, “For me, it pertains to the fact that there’s nothing more important than family. Parang it doesn’t have to be the … sometimes you can pick also your family. It doesn’t just mean the people around you, that you’re born with, sometime you can choose also.”
Bukod kay Albie, nasa cast din ng Call Me Papi sina Enzo Pineda, Lharby Policarpio, Royce Cabrera at Aaron Concepcion na pawang magpapakilig, magpapatawa at magpapainit sa malamig na panahon ngayong Kapaskuhan.
Kasama rin ng limang magbabakarda ang batikang sina Irma Adlawan at Anja Aguilar habang may espesyal na partisipasyon naman ang dating Viva Hot Babe na si Katya Santos.
Bale ikalawang proyekto na ito ni Albie na maipapalabas ngayong 2022 although natapos na rin niya ang mala-BL movie na Got to Believe in Magic, kasama si EJ Jallorina sa ilalim ng direksyon ni Rod Singh.
