Speaker Romualdez top performer sa Region 8—RP Mission survey
NANGUNA si Speaker Ferdinand Martin G. Romualdez sa performance survey ng RP Mission and Development Foundation Inc.
Batay sa Boses ng Bayan survey na ginawa mula Hunyo 25 hanggang Hulyo 5, 2023, si Speaker Romualdez ang nakakuha ng pinakamataas na rating sa mga kongresista sa Eastern Visayas (Region VIII).
Nakapagtala si Speaker Romualdez ng 95.3 porsyento.
Ayon kay Dr. Paul Martinez ng RPMD, sinusukat ng survey ang performance ng isang kongresista sa kanyang distrito at nagagawa nito sa kanyang mga constituents at trabaho sa Kamara de Representantes,
Pumangalawa kay Romualdez si Christopherson “Coco” Yap ng Southern Leyte na nakapagtala ng 84.7 porsyento at hindi nalalayo kay Gerryboy Espina ng Biliran na may 84.5 porsyento.
Sumunod naman sina Paul Daza ng Northern Samar (82.3%), Richard Gomez ng Leyte (80.1%), Luz Mercado ng Southern Leyte (78.6%), Harris Christopher Ongchuan ng Northern Samar (76.3%), Reynolds Michael Tan ng Samar (75.8%), Maria Fe Abunda ng Eastern Samar (72.7%), Anna Victoria Veloso-Tuazon ng Leyte (70.9%), Stephen James “Jimboy” Tan ng Samar (68.5%), at Lolita Javier ng Leyte (63.2%).
