TINIYAK ni Speaker Ferdinand Martin G. Romualdez sa mga residente ng Negros Oriental na kapayapaan at kaayusan ang nangingibabaw ngayon sa kanilang lugar, isang araw matapos na paslangin si Gov. Roel Degamo sa tapat ng kanyang bahay sa Barangay San Isidro, bayan ng Pamplona.

“We want to assure the people of Negros Oriental to remain calm because no less than the President (Ferdinand “Bongbong” R. Marcos Jr.) has been on top of the situation since it occurred 24 hours ago, and he has ordered us to root out the perpetrators of this crime and to make sure that justice is restored, peace and order is restored to Negros Oriental,” sabi ni Speaker Romualdez sa isang press briefing sa Negros Oriental Police Provincial Office (NOPPO) sa Dumaguete City.

“Rest assured, people of Negros Oriental, that peace and order has been restored, there’s nothing to fear, the law enforcers, the whole of government, the Chief of Staff is here, to assure you that there will be no further crimes of this nature in Negros Oriental,” dagdag pa ng lider ng Kamara.

Kasama ni Speaker Romualdez si Department of Interior and Local Government Secretary Benhur Abalos na pumunta sa burol ni Degamo.

“Maraming salamat po Secretary Benhur Abalos. Nandito po ako on the part of House of Representatives, nakikiramay po kami sa taumbayan ng Negros Oriental, sa pamilya ni Governor Degamo, si mayora (Pamplona Mayor Janice Degamo), at sa buong pamilya niya, mga kaibigan niya,” ani Speaker Romualdez.

Agad na kinondena ni Speaker Romualdez ang pamamaril kay Degamo at hinamon ang kapulisan na agad na resolbahin ang kaso.

“Kahapon lang nagsalita po ako at hinamon ko ang ating secretary (Abalos), ang Chief PNP, at ang chief of staff, at ang law enforcers at within 24 hours, nagpapasalamat naman rin ako na most of the suspects have already been apprehended. So huwag naman natin tigilan itong manhunt dahil there are still [suspects] on the loose at we have also to ferret out who is the mastermind of this heinous crime,” sabi pa ni Speaker Romualdez.

Tiniyak ni Speaker Romualdez na hindi nagpapabaya ang gobyerno at ang kanilang pagpunta sa Negros Oriental ay pagbibigay ng kasiguruhan na mayroong ginagawa ang gobyerno.

“We assure the people of Negros na nandito tayo lahat, para malaman ng buong Negros Oriental na nandito ang buong pwersa ng gobyerno para matapos natin itong kaso na ito. We shall apprehend all the perpetrators of the crime including the mastermind,” sabi pa nito.

Siniguro ni Romualdez na itutulak nito at ni Negros Oriental 2nd District Rep. Manuel Sagarbarria ang badyet na kailangan ng kapulisan upang mapanatili ang kapayapaan at kaayusan ng bansa.

AUTHOR PROFILE

Ryan Ponce Pacpaco