Kinaaliwan ng netizens at kapwa-celebrities ang latest video ni Sharon Cuneta na nagbabalot ng pagkain sa birthday party ng pinsang si Gian Sotto, anak nina former Senator Tito Sotto at Helen Gamboa, auntie ng Megastar.

Ipinost ni Ciara Sotto ang video sa Instagram bilang birthday greetings sa kanyang Kuya Gian.

“Happy Birthday to the best Kuya in the universe!!!🤗 And the best Vice Mayor ever!🤗🎂🎈😍 Thank you for all that you do and all that you are. 😘 I love you so very much… more than I could ever show,” ang caption ni Ciara.

Sa dulo ay may pahabol pa ang anak ni Tito Sen na “P.S. Si Sharon, Shuma-Sharon.”

Ang “shuma-sharon” ay sikat na sikat na other term for ‘nagbabalot ng pagkain’ base sa linya ng awitin ni Shawie na “balutin mo ako ng hiwaga…” sa “Bituing Walang Ningning.”

Sa video ay makikitang nagbabalot si Sharon ng Japanese foods at aniya kay Gian, “pasensiya na, happy birthday my brother Gian, I love you ang thank you for my balutin mo ako ng hiwaga ng…,” sabay-kanta.

Ang lakas ng tawanan nina Gian at Ciara na siyang nagbi-video.

Dagdag pa ni Shawie, “It’s for my babies, and my husband and my children…” at kumanta ulit.

“Balutin mo ako ng hiwaga ng iyong Japanese food,” pag-awit ni Shawie.

Sey naman ni Ciara, “Siya na mismo ang nagbalot, guys. Sina-Sharon niya ‘yung handa.”

Sabi naman ni Sharon, “Basta nagpaalam ako, matinong nagpaalam.”

Tawa nang tawa si Ciara.

‘Kaaliw ang komento ng netizens:

“Hala si sharon nag SHARON!”

“Si Sharon sumasharon.”

“Napa tawa tuloy ako si sharon nag-shasharon. happy b-day to sir gian.

“The original balot girl haha 😂 Ang cute!”

“Legit #sharon . Wag na tayong mahiya. Si @reallysharoncuneta sumasharon.”

“HAHAHA!! May pa-Sharon si Sharon! 😆 mamaaaaa @reallysharoncuneta you’re so cuteee!!!”