Pagpasok ng 84 spiderlings naharang ng BOC
NAHARANG ng Bureau of Customs-Ninoy Aquino International Airport (NAIA) ang pagpasok ng 84 buhay na smuggled spiderlings galing sa Poland sa Central Mail Exchange Center (CMEC) noong Abril 16.
Base sa imbentaryo, 84 na buhay na spiderlings ang narekober sa package na unang pinagdudahan ng dumaan sa x-ray screening.
Galing umano ang package sa Poland at idineklarang origami products at naka-consigne sa isang address sa Biñan, Laguna.
Paglabag ang tangkang smuggling ng buhay na spiderlings sa Customs Modernization and Tariff Act (CMTA) at Wildlife Resources Conservation and Protection Act.
Pinuri ni BOC Commissioner Bienvenido Rubio ang mga tauhan ng ahensya sa kanilang dedikasyon sa pagganap sa kanilang tungkulin.
“The dedication of the BOC in preventing smuggling is a crucial barrier against exploitation of wildlife, and in maintaining robust national biosecurity and ecological balance,” ani Commissioner Rubio.
