Larawan: Alex Gonzaga/ IG
Mikee, Alex Gonzaga namingwit sa Taal lake
MASAYANG MASAYA ngayon ang aktres na si Alex Gonzaga, matapos kasamang mamingwit ang kanyang partner na si Mikee Morada sa Taal Lake.
Sey pa ni Alex, poging tawilis ang kanyang nabingwit, na ang kanyang tinutukoy ay si Mikee.
“Namangka, nangisda, at nag-ihaw sa Taal
Lake para sa aming anniversary date!! Ang saya may nabingwit ako poging tawilis!” caption nito kalakip ang larawan nila ni Mikee na nakasakay sa bangka.
Naloka naman sa kakatawa ang netizens matapos magkomento ang host-actor na si Luis Manzano sa nasabing IG post ng aktres.
“Bakit naka-kiss si Mikee sa dilis?” pabirong komento ni Luis.
“Wow, nagsalita ‘yung mukhang bisugo!” kwelang reply naman ni Alex.
“Nagjo-joke lang ako pero ‘yung words nakakasakit eh,” pahabol na sabi ni Luis.
Maraming netizens naman ang bumati sa anniversary nila ni Alex at Mikee, at nagpa-abot din sila ng dasal na sana ay muling biyayaan ng anak ang celebrity couple.
