Janine at Max, tie sa pagka-best actress sa 6th The Eddys
Ginulat ng Society of Philippine Entertainment Editors (SPEEd) ang marami nang mag-tie ang best actress at best picture winners nila sa katatapos na 6th The EDDYS (Entertainment Editors’ Choice) na dinaos nitong Linggo sa Aliw Theater.
Tie sina Janine Gutierrez at Max Eigenmann bilang best actress para sa Bakit ‘Di Mo Sabihin at 12 Weeks, respectively.
Ang nag-tie naman sa pagka-best picture ay ang Blue Room ng Heaven’s Best Entertainment at Family Matters ng CineKo Productions.
Si Direk Nuel Naval naman ang nanalong best director para sa Family Matters na mula sa panulat ni Mel Mendoza-del Rosario.
Si Nikki Valdez ang nagwaging best supporting actress para sa nasabi ring pelikula habang si Elijah Canlas ang hinirang na best actor para sa Blue Room at si Mon Confiado ang best supporting actor para sa Nanahimik ang Gabi.
Ang beteranang entertainment columnist ng People’s Journal na si Aster Amoyo ang tumanggap ng Joe Quirino Memorial Award. Leah Salterio
