Lato

GRADE 5 PUPIL SINAPIAN DAHIL SA LATO-LATO!

June 22, 2023 Anchit Masangcay 292 views

Tunog ng laruan ‘nagtatawag’ umano ng masamang espiritu

HANGGANG ngayon ay balot ng misteryo ang isang barangay sa Calaca City, Batangas matapos umanong masapian ang isang grade 5 pupil na nahihilig maglaro ng lato-lato.

Ang biktima ay isang grade 5 pupil ng Bisaya Elementary School.

Nabatid na sinapian ang bata sa mismong classroom ng eskuwelahan habang nasa kasagsagan sila ng pag-aaral nitong nakalipas na Huwebes.

Bigla umano itong nangisay, nanginig at nagbago ng boses.

Nasaksihan ito mismo ng kanyang mga kaklase, titrer at iba pang kamag-aral.

Karamihan sa mga kapwa estudyante na nakasaksi ng misteryo ay nag-iiyak sa labis na takot.

Dahil sa naturang pangyayari, ilang residente sa Barangay Bisaya ang nagsabing posibleng kagagawan ng larong lato-lato ang pagsanib ng isang espiritu sa bata.

Ayon sa isang ginang, ang tunog ng lato-lato umano ay parang nagtatawag ng masamang espiritu.

Hinihikayat umano ng lato-lato ang ingay na gawa nito.

“Kaya lumabas ang espíritu dahil akala nila tinatawag sila sa ingay ng lato-lato,” sabi naman ng isang magsasaka sa Barangay Bisaya.

Nabatid na ang biktima, tulad ng karaniwang bata ay nawiwiling maglaro ng lato-lato sa loob at làbas ng eskuwelahan.

AUTHOR PROFILE