HINDI ko talaga alam kung ang naging dahilan bakit tinanggal ang subject na Philippine history sa ating paaralan.

Kaya tama lang ang sinabi ni Senator Robin Padilla na para matiyak na makarating tayo sa ating paroroonan ay alamin muna ang ating pinanggalingan.

Ang bagitong senador ay naghain ng Senate Bill 451 na naglalayong ibalik ang subject na Philippine History sa ating mga high school curriculum.

“To lead this nation into the future would require an understanding of the country’s historical roots and cultural heritage iin ideally all levels of formal education,” ani Padilla sa kanyang panukalang batas.

Ayon kay Padilla, nawala ang Philippine History sa high school curriculum noong 2014 sa pamamagitan ng Department of Education (DepEd) Order 20.

Dagdag nito, kasama sa K-12 basic education curriculum for Social Studies ang ilang subject tulad ng Asian Studies at World History.

“While supporters of this revised curriculum claim that the ‘discussion of events on the country’s history is naturally integrated into several subjects,’ this representation is of the firm belief that there must be an independent and definitive subject that comprehensively focuses on the study of our nation’s own history,” giit ni Padilla.

“It is truly unfortunate for our youth, whom we dub as the hope and future of our nation, to be stripped of the opportunity to wade through the books of our invaluable past,” dagdag niya.

Sa ilalim ng panukalang batas, ituturo ang Philippine History para italaga ang pagmamahal sa bayan. Kasama rito ang “history, culture and identity” ng Bangsamoro at Indigenous People.

Pakay din ng panukalang batas na magkaroon ng “critical thinking and discourse” sa epekto ng mga pangyayari sa Pilipinas.

“Lest we forget the old saying that to deny and obliterate people their own understanding of their history is the most effective way to destroy them. In this representation’s hope to steer clear from such peril, the passage of this bill is earnestly sought,” ani Padilla.

Sa ganang akin, nararapat na suportahan ang panukalang ito upang mabigyang aral ang ating mga kabataan patungkol sa kasaysayan ng bansa.

Totoong pinagtatalunan ngayon ang isyu ng revisitionalism.

Lalo na ang usapin ng martial law.

At para sa akin, anumang kasaysayan ay mahalaga.

Wag natin kalimutan ang kasabihan na ‘history is writen by Victors.’