Carla, rumesbak sa malulupit na comments sa ibinebentang pre-loved items
BUMUWELTA si Carla Abellana sa mga bumabatikos sa pagbebenta niya ng kanyang pre-loved items.
Eh, may malulupit pang comment na ipinu-post sa social media kaugnay ng gamit niyang sapatos na may mga dumi-dumi pa, huh!
“They can choose naman if they want to buy,” rason ni Carla nang makausap ni Aubrey Carampel for 24 Oras.
Tama si Carla na hindi niya ipinagpipilitan na bilhin ang ibinebenta niyang pre-loved items.
Huwag nga naman bilhin kung may pintas na kasama at paninira, huh!
To start anew ang rason ng pagbebenta ni Carla ng ilan niyang mga gamit lalo na’t natupad na rin ang pangarap niya na magkaroon ng sariling bahay.
Ongoing na ang taping ni Carla para sa GMA series na Widow’s War kung saan dalawa sa mga kasama niya sina Bea Alozo at Gabbi Garcia.
Halos pareho man ang kapalaran nina Carla at Bea na nawala ang pag-ibig in a short time, wala umano sa isipan ni Carla na tanungin si tungkol Bea sa nangyari sa kanya, huh!
RURU, MULING PINATAOB SI COCO
NAKUHANG muli ni Ruru Madrid ang primetime.
Sunud-sunod ang panalo ng kanyang Black Rider dahil sa February 7 ratings nito, meron itong 13.8% ratings at wagi laban sa FPJ’s Batang Quiapo ni Coco Martin na may 11.8% percent lamang.
Matatandaan na ang series ni Ruru na Lolong ang nakatalo rin sa FPJ’s Ang Probinsiyano ni Coco kaya sa susunod na episode ng Black Rider, siguradong tatambakan na nito ang katapat na show sa ratings game, huh!
