ARESTADO dahil sa sexual assault ang 45-anyos na lalaki sa Baseco compound, Port Area, Manila noong Lunes.

Bandang alas-4:00 ng hapon nang arestuhin ang suspek na si alyas Ayos Guyod sa Baseco compound sa Brgy. 649 sa Port Area, ayon kay Police Major Rommel Reyes Purisima, hepe ng Special Mayor’s Reaction Team ng Manila Police District (Smart-MPD).

Inisyu ni Judge James T. Sy, acting presiding judge ng Regional Trial Court Branch 4 ng City of Manila, ang warrant of arrest ng suspek dahil sa sexual assault.

Inutos ng korte na dapat magpiyansa ng P200,000 ang akusado kapalit ng kanyang temporary liberty.

AUTHOR PROFILE

Jonjon Reyes