2 suspek sa cable nenok huli
DALAWANG suspek sa pagnanakaw ng internet cable ang naaresto ng Quezon City Police-Laloma Police Station noong Biyernes.
Kinilala ni Quezon City Police District Director Gen. Nicolas D. Torre III ang mga naaresto na sina Alexander Armas, 21, ng Stotsenberg, St., Barangay 70, Caloocan City at Christian Patungan, 31, ng 139 9th Avenue, Brgy., 63, Caloocan City.
Ayon kay Laloma Police Station chief Lt. Col. Ramil Avenido, nadakip ang mga suspek sa A. Bonifacio Avenue, corner P. Gonzales St., Brgy., Pag-Ibig sa Nayon, Quezon City, dakong 5:00 ng umaga
Nadaakip ang mga suspek sa tulong ng concerned citizen na tumawag sa QCitiizens Helpline 122 para isumbong ang nagaganap na nakawan
Matapos makuha ang inpormasyon, mabilis na kumilos ang mga tauhan ng QC-Laloma police at naaktuhan ang mga suspek habang nilalagare ang internet cable gamit ang steel saw.
Nakuha sa lugar ng nakawan ang 5 piraso ng 100 pares na wires na nagkakahalaga ng P9,792.