South Korean national nalambat sa telco fraud
NAKATAKDANG i-deport ng Bureau of Immigration (BI) ang isang South Korean man na wanted sa Seoul dahil sa telecommunications fraud.
Kinilala ni Immigration Commissioner Norman Tansingco ang dayuhan na si Kwon Hyuckkeun, 41, na inaresto sa E. Rodriguez St., Quezon City ng mga operatiba ng BI’s fugitive search unit (FSU) dahil sa pagiging pugante at undesirable alien.
“He will thus be deported as soon as we have secured the necessary clearances for his departure. His name was already included in our blacklist, hence he is barred from re-entering the Philippines,” sabi ni Tansingco.
Batay sa record, overstaying na si Kwon sa Pilipinas. Dumating siya sa bansa noong November 26, 2018.
Sinabi naman ni BI-FSU acting chief Rendel Ryan Sy na may outstanding warrant of arrest si Kwon na inisyu ng Seobu Branch ng Daegu District Court sa Korea kung saan siya nakasuhan ng fraud.
Nakipag-sabwatan umano si Kwon upang mag-operate ng syndicate na sangkot sa voice phishing. Kumita ang grupo niya ng $9,000 dahil sa illegal na gawain.
