WORRISOME.

Pahayag ito ni Pangulong Ferdinand “Bongbong” Marcos Jr. sa ulat na may presensya na ng warship ng Chinese Navy sa West Philippine Sea (WPS) pati na ang interference sa electronic communications capabilities sa Philippine vessels.

Sa ambush interview bago tumulak patungong Canberra, Australia, sinabi ni Pangulong Marcos na nakababahala ang naturang ulat.

Pero ayon kay Pangulong Marcos, patuloy naman na didipensahan ng Pilipinas ang maritime territory nito.

“It’s worrisome because there are two elements to that: one is that the dati Coast Guard lang ng China ang gumagalaw doon sa area natin. Ngayon, may Navy na sumama pa mga fishing boat. So, nagbabago ang sitwasyon, but well, maliwanag naman para sa atin, we don’t really we just watch, of course, what everybody is doing, but really for us, patuloy pa rin natin, we just defend our maritime territory. We continue to support all of our fishermen, fisherfolks who make their living from these fishing grounds at patuloy naman nating tutulungan sila,” pahayag ni Pangulong Marcos.

“At despite whatever else happens, bina-block tayo, kung ano, may shadow, eh patuloy pa rin ang ating gagawin dahil ‘yan naman ang trabaho natin, trabaho natin tulungan natin ‘yung mga fishers na matagal na, ilang henerasyon na doon nangingisda. So, that’s essentially the issue there. So, that’s the basic principle there, is that the fishers must be allowed to fish in their traditional fishing grounds, which belong in the maritime territory of the Philippines,” pahayag ni Pangulong Marcos.

Ayon sa Philippine Navy, karaniwang nangyayari ang interference tuwing may ginagawang rotation at resupply mission ang mga barko ng Pilipinas sa West Philippine Sea.

AUTHOR PROFILE

Chona Yu