First time ni Jodi Sta. Maria na sumali sa 10k run kaya naman hindi niya napigilang maging emosyonal nang makarating siya sa finish line.

Sa Instagram ay ibinahagi niya ang naging journey at karanasan niya sa katatapos lamang na race.

Makikita rin sa kanyang post ang mga larawan niya habang tumatakbo at ang medalyang natanggap.

Ayon sa aktres, nagsimula siyang tumakbo last year bilang preparasyon sa kanyang bagong role.

“I started running late last year to prepare for a role. During training, naiisip ko what if sumali ako sa race? But I would always tell myself hindi ko kaya,” aniya.

Hanggang sa nagdesisyon siya na mag-sign-up sa race. Pahapyaw niyang naitsika na na-injure siya pero sa ibang pagkakataon na raw niya ito ikukuwento.

“Until I mustered the courage to sign up for one which I only told a handful of people kasi nahihiya ako. I thought sasabihin ko nalang sa iba pag tapos na. Then I got injured — sa ibang storytime na ito,” sey niya.

Hindi naging madali ang kanyang journey kaya hindi niya napigilang maging emotional nang makatawid siya sa finish line.

“So crossing the finish line of my first 10K was an emotional experience for me. It hasn’t been an easy journey and there were a lot of doubts if I could ever reach this point.

“Every step was a reminder of the countless hours doing therapy (kahit hindi naman ako atleta!) the frustration of setbacks, and determination to rise above it all kahit kinakabog ang dibdib!

“As I approached the finish line I was flooded with relief and an overwhelming sense of gratitude,” aniya.

Ibinahagi rin niya ang lesson na natutunan niya sa nasabing karanasan.

“I realized a run is more than just a number — it represents resilience and perseverance and the unwavering belief na kakayanin mo anything you put your mind and heart into. Ayan ang haba na nito. Pag pasensyahan nyo na. Here’s to overcoming challenges and setting new goals,” she said.

Nagpasalamat si Jodi sa mga suporta ng kaibigan, kapamilya at sa Panginoon sa tagumpay na nakamit.

“And Lord, I thank You for making this happen. I knew you were with me every step of the race from beginning till end. Yours is all the glory,” aniya.