Cacdac muling itinalaga bilang ad interim DMW Secretary
MULING itinalaga ni Pangulong Ferdinand “Bongbong” Marcos Jr. si Hans Leo Cacdac bilang ad interim Secretary ng Department of Migrant Workers (DMW).
Inilabas ni Pangulong Marcos ang reappointment paper ni Cacdac matapos mag sine die ang Second Regular Session ng 19th Congress nang hindi nais alang sa Commission on Appointments.
Muling itinalaga ni Pangulong Marcos si Cacdac sa naturang puwesto dahil sa patuloy na tiwala at kumpiyansa.
Itinalaga na ni Pangulong Marcos si Cacdac bilang ad interim Secretary ng DMW noong Abril, pitong buwan matapos siyang italaga bilang officer in charge ng departamento noong Setyembre 2023.
Pinunan ni Cacdac ang puwesto nang pumanaw si Secretary Susan “Toots” Ople noong Agosto ng nakaraang taon.
Nagsilbi rin si Cacdac bilang Undersecretary ng DMW; Executive Director V ng Overseas Workers Welfare Administration (OWWA); Executive Director V ng Philippine Employment Administration (POEA); at Undersecretary ng Department of Labor and Employment (DOLE).
Maliban dito nagsilbi rin siya bilang Deputy Executive Director V ng POEA; Executive Director IV ng National Conciliation Mediation Board-DOLE; Director IV ng Bureau of Labor Relations-DOLE; at Associate Lawyer and Urban Poor Unit Coordinator ng Sentro ng Alternatibong Lingap Panligal (SALIGAN) sa pribadong sektor.
