Dongkids

Boodle lunch at swimming party, Father’s Day paandar ni Marian kay Dingdong

June 18, 2023 Ian F. Fariñas 245 views

BOODLE lunch at swimming party ang paandar ni Marian Rivera sa selebrasyon ng Father’s Day kahapon para sa mister na si Dingdong Dantes.

Sa post ng mag-asawa sa Instagram, makikita na sandamakmak na seafood, meat, veggies at fruit spread ang pinagsaluhan ng buong Dantes clan pati na ang kanya-kanya nilang mga pamilya.

Yayamanin ang laman ng mesa na crabs, liempo, tahong, sugpo, ensaladang mangga, nilagang okra, pakwan, saging at kung anu-ano pa.

May pa-balloon set-up din para sa Kapuso primetime king na may nakasulat na “#1 Dad,” “Super Dad” at Best Dad Ever.”

Sa Instagram greeting ni Marian, sinabi niya na, “Happy Father’s Day to the man who never fails to make our family feel loved and supported. You are a wonderful husband and an amazing dad.

Thank you for all that you do! We love you sooo much” na sinagot naman ni Dong ng, “Love you… todo.”

AUTHOR PROFILE