
Bangka nasunog; 1 sugatan, 8 ligtas
ISANG tripulante ang nasugatan habang walong iba pa ang nasagip matapos masunog ang kanilang bangka sa Margosatubig, Zamboanga del Sur.
Ayon sa Philippine Coast Guard (PCG), naganap ang insidente dakong 6:00 ng gabi noong Miyerkules.
Sakay ang mga biktima ng MBCA Minyahad papunta sa Barangay Lenok, Lapuyan, Zamboanga del Sur nang maganap ang insidente.
Nagsimula ang sunog nang sumiklab ang bangka dahil sa mga fuel residue sa paligid. Matapos ang sunog, nagkaron na rin ng problema ang makina ng bangka.
Nakahingi ng tulong ang mga tripulante kaya nasagip ng mga tauhan ng PCG, PPA-Margosatubig, Municipal Disaster Risk Reduction and Management Office (MDRRMO) at mga civilian volunteers.
Nasa ligtas nang kalagayan ang mga biktima sa kasalukuyan.