5 sasakyan karambola, 8 sugatan sa QC
WALO ang sugatan matapos magkarambola ang limang sasakyan noong Huwebes sa Quezon City.
Kinilala ang mga biktimang sina SJO1 Archimedes Tejuco Delos Reyes; 44; driver ng Mitsubishi Montero (NCL 8287); Marvin Alcantara, 39, rider ng Yamaha Sniper (872 QMM); Jocel Lucena Vilgera, 35, rider ng Yamaha motorcycle (156 NUT) at backride nito; taxi driver na si Rodrigo Pande Garcia, 53, at pasahero nito; rider ng Yamaha FZ Motorcycle; at Dennis Arn Bugaoan Carino, 44, driver ng Honda CRV (ZNN 848).
Sa report ng Quezon City Police District District Traffic Enforcement Unit, nangyari ang insidente dakong alas-12:43 ng madaling araw sa Elliptical Road, Quezon City.
Nag-counterflow umano si Cariño sa Elliptical mula East Ave kaya pagdating sa tapat ng Department of Agriculture nasalpok nito ang isang Yamaha FZ motorcycle at Yamaha NMAX155 ni Vilgera.
Nagpatuloy sa pag araro ang Honda CRV hanggang sa pagdating sa Maharlika St. Brgy. Old Capitol Site, QC, nabangga naman nito ang taxi ni Garcia, Mitsubishi ni Tejuco at Sniper na motorcycle ni Alcantara.
Nahaharap sa kasong reckless imprudence resulting in multiple physical injuries at damage to property si Carino.
