NAPAPANAHON itong itinatag na Task Force to Combat Investment Scam ng Department of Migrant Workers.

Layunin nito na masugpo ang tumataas na kaso ng pandaraya sa bansa na ang karamihang nabibiktima ay mga pobreng Overseas Filipino Workers (OFWs).

Ayon kay DMW officer-in-charge Undersecretary Hans Leo Cacdac, ang task force ay binuo matapos ilabas ni Senator Raffy Tulfo, na namumuno sa Senate migrant workers committee, ang mungkahi na protektahan ang mga kababayang OFWs.

Sa pamamagitan ng Task Force na ‘to, higit na magkakaroon ng pangil ang pamahalaan upang supilin ang mga sindikato at idibiduwal na walang alam kundi lokohin ang ating mga kababayan, kasabay ng paghuthot sa perang kanilang pinaghirapan.

Sa pamamagitan ng nasabing Task Force ay mabibigyan din ng karagdagang impormasyon at kaalaman ang lahat kung paano iwasan ang iba’t ibang uri ng modus-operandi ng sindikato para lamang mapasok sila sa investment scam.

Idinagdag ni Cacdac na mayroon silang nakaplanong partnership sa Securities and Exchange Commission (SEC) at Department of Justice para palakasin ang pagsisikap sa pagtugon sa mga talamak na investment scam.

Dahil dito, nakatakdang pumirma ang DMW ng memorandum of agreement sa Securities and Exchange Commission sa Okt. 11.

Pinayuhan din ng ahensya ang publiko na magsampa ng mga reklamo sa investment scam sa pamamagitan ng kanilang shared hotline number 1348.

Samantala, ikinagalak ni OFW Party List Rep. Marissa “Del Mar” Magsino ang pagbuo sa Task Force to Combat Investment Scams

“I commend the Department of Migrant Workers (DMW) for establishing a dedicated task force in response to increasing cases of investment scams affecting Overseas Filipino Workers (OFWs).

This initiative is a crucial step toward safeguarding the financial interests and well-being of our OFWs who not only sacrifice for their family’s economic stability, but significantly contribute to our nation’s economy,” ani ng Partylist Representative.

Si Magsino, kilalang kampeon ng OFW sa loob at labas ng Kongreso ay nagsabing naniniwala siyang sa pamamagitan ng itinayong Task Force ay bilang na ang araw ng mga ‘scammers’ na sumisipsip sa kabuhayan ng mga OFWs.

Kamakailan lamang, mismong si Magsino ang nakipag-coordinate sa National Bureau of Investigation (NBI) upang i-report ang investment scam na idinulog sa kanyant tanggapan.

“During my visit to South Korea last June 9 to 13, 2023, I was informed about the massive investment scam victimizing our OFWs there wherein around Php 150 million has been scammed from them. The scam reportedly involves Filipino intermediaries, thus it is imperative that we identify and prosecute suspected Filipino accomplices in investment scams such as this, as well as trace accomplices in other countries through coordination with the host countries’ law enforcement agencies,” ani Magsino.

Aniya pa, mahalagang magkaroon ng tamang kaalaman ang ating mga kababayan upang maiwasan ang mga ganitong uri ng scam.

“Knowledge and awareness are key tools in reducing their vulnerability to fraud. Additionally, in cases where OFWs have fallen victim to scams, it is imperative to offer them clear and accessible avenues for assistance and redress,” dagdag pa niya.