Suspek sa ilegal na droga, boga nahuli
NASAMSAM noong Lunes sa isang drug suspek ang mahigit P400,000 na halaga ng shabu at baril sa buy-bust sa Pampanga.
Kinilala ni Pampanga police director Col. Jay Dimaandal ang suspek na si alyas Pring, 37, ng Brgy. Pulung Masle, Guagua, Pampanga.
Nahuli ang suspek sa entrapment ng mga miyembro ng Pampanga police, Pampanga Provincial intelligence Unit at San Fernando City police sa Brgy. San Jose, San Fernando City, Pampanga.
Nakuha sa suspek ang humigit-kumulang sa 61 gramo ng shabu na nagkakahalaga ng P414,800, cal .380 na baril, isang magasin ng .380 na kargado ng dalawang live round ng kalibre .380, isang motorsiklo at isang cellphone.
Kakasuhan ang suspek ng paglabag sa RA 9165, RA 10591 at Omnibus Election Code.
