KUMPIYANSA ang Presidential Communications Office (PCO) at Bureau of Communications Services (BCS) na lalawak pa ang sirkulasyon ng flagship paper na Philippine Gazette.

Ito ay matapos makuha ang bagong printing machine na two color Sakurai Oliver 226SI/SIP.

“This brand-new offset will be of great help in expanding the reach of The Philippine Gazette, the flagship tabloid newspaper of the Presidential Communications Office and the Bureau of Communications Services,” pahayag ng BCS.

“The Bureau is excited to inform, empower, and engage more Filipinos of the President’s activities towards a more transparent and dynamic public governance.”

Nabatid na ang bagong two color Sakurai Oliver 226SI/SIP printer, na idinilever ng Ferros Systemas Corp. ay ergonomically-designed press na may solid frame at bed structure na kayang makapag-imprinta ng 12,000 impressions kada oras.

Ito ang unang printing machine na fully automatic na binili ng BCS.

Inilalathala ang Philippine Gazette isang beses sa isang buwan at libreng ipinamamahagi sa mga pampublikong sasakyan.

Laman nito ang mga programa at ang mga nagawa na ni Pangulong Ferdinand “”Bongbong” Marcos Jr.

AUTHOR PROFILE

Chona Yu