TULOY ang trabaho ni Pangulong Ferdinand “Bongbong” Marcos Jr. kahit may sakit.

Ayon sa pahayag ng Presidential Communications Office, inaasahang makababalik sa public engagement si Pangulong Marcos sa lalong madaling panahon.

“The President continues to work in his residence, handling correspondence and directives within medical advice. He anticipates resuming full public engagements soon, per his physician’s clearance,” pahayag ng PCO.

Una nang sinabi ng Palasyo.na tinamaan ng flu-like symptoms sina Pangulong Marcos at First Lady Liza Marcos.

“The President and the First Lady continue to experience flu-like symptoms but with improvements, maintaining stable vital signs. They are advised to continue medications, rest, and hydration for full recovery,” pahayag ng PCO.

Matatandaan na naging abala si Pangulong Marcos sa mga nakalipas na araw.

Unang dumalo si Pangulong Marcos sa Australia- Asean Summit sa Melbourne.

Sinundan ito ng state at working visit sa Germany at Czech Republic.

Pag-uwi aa bansa, agad na sumabak sa trabaho ang Pangulo kabilang na ang pagdalo sa ceremonial signing ng concession agreement para sa Ninoy Aquino International Airport at pribadong sektor.

Pinangunahan din ni Pangulong Marcos ang oath taking ng mga bagong opisyal ng Philippine National Police at World Ecpnomic Forum na parehong ginanap sa Palasyo ng Malakanyang.

Dahil sa sakit, hindi na nakadalo si Pangulong Marcos sa 50th presidential luncheon ng Foreign Correspondents Association of the Philippines at 127th Founding Anniversary ng Philippine Army sa Capas, Tarlac.

AUTHOR PROFILE

Chona Yu