Source: FB
Pamilya Ko Party List isusulong proteksiyon sa pamilyang Filipino
SA mga nakalipas na dekada, malaki ang naging pagbabago sa kultura ng pamilyang Pilipino na dahilan ng pagguho ng dating matatag na pundasyon bunga na rin ng maraming kadahilanan kabilang ang isyung pang-ekonomiya, panlipunan at moralidad.
Naging pangkaraniwan na ang paghihiwalay ng mag-asawa na nakapinsala ng malaki sa pagdurusa ng kanilang mga anak na nagkakaroon ng psychological trauma at dungis sa lipunan, mga pamilyang biktima ng karahasan sa tahanan, mga pamilyang LGBTQIA+, mga pamilyang nag-aalaga ng matatanda at iba pa.
Bagama’t tanggap na ng lipunan ang ganitong pagbabago sa kultura ng pamilyang Pinoy, marami pa ring mahahalagang bagay na kailangang tugunan kaya’t dito humugot ng inspirasyon para sa paglikha ng Pamilya Ko Party List na layuning magtulak ng mga batas na pagtataguyod ng dignidad sa mga sa pamilyang Pilipino na susuporta sa kanilang kapakanan at magpo-protekta sa kanilang legal na karapatan at pribilehiyo sa ilalim ng panuntunan ng batas.
Bukod sa mga isusulong na panukalang batas, layunin din ng Pamilya Ko partylist na magkaloob ng ng mental health/psychological counseling sa trauma-afflicted na mga miyembro ng non-traditional na pamilya, o mga pamilyang nasa transition; magkonsepto ng mga programang pangkabuhayan na maaaring mag-alok ng mga panandaliang solusyon para sa mga walang trabahong nag-iisang magulang; at bigyang kapangyarihan ang mga mamamayan ng LGBTQ+ at iba pang umuusbong na sektor na may pantay na karapatan sa pagiging magulang.
Bilang bahagi ng layunin nitong dalhin ang pangunahing adbokasiya nito sa masang Pilipino, sinimulan ng Pamilya Ko Party List ang panlalawigang pangkalahatang pagpupulong nito sa mga pangunahing lungsod sa Luzon at Visayas, kabilang ang Bataan, Batangas, Bohol, Bulacan, Cavite, Cebu, Iloilo, Laguna, Manaoag, Pangasinan, Quezon, Rizal, Zambales, Iloilo, Zamboanga, General Santos at Davao.
Sa lahat ng mga pag-uuri nito, nakaramdam ng inspirasyon at pagpapakumbaba ang Pamilya Ko core group na marinig ang mga nakakabagbag-damdaming kwento ng mga kapwa Pilipino na patuloy na nagiging matatag sa kabila ng mga paghihirap na kinakaharap nila bilang mga miyembro ng hindi tradisyonal na pamilya.
Napagkalooban na rin ng akreditasyon ng Commission on Election (Comelec) ang naturang party-list group bago pa man nila isinagawa ang iba’t-ibang uri ng aktibidad kabilang ang pagkakaroon ng provincial general assembly, pagkakaroon ng oathtaking, planning, relief ops at team building activities ng mga nagparehistro.
Inaasahan ang isang mas malawak na suporta sa Pamilya Ko Party List dahil sa kanilang pagpapatuloy ng isinasagawang regional grassroots outreach efforts sa mga darating na buwan.
