P2.3B waste-to-energy project ng Iloilo City sisimulan ngayong taon
MAGSISIMULA ngayong taon ang pagpapatayo ng kauna-unahang waste-to-energy project sa bansa sa Lungsod ng Iloilo.
Ang proyekto na may P2. -billion na kabuuang halaga, ay isasagawa ng Iloilo City Government kasama ang Metro Pacific Water (MPW), ang wholly-owned subsidiary ng Metro Pacific Water Investments Corporation (MPWIC), sa pamamagitan ng public-private partnership (PPP) scheme.
Kamakailan lang, pinangunahan nina Iloilo City Mayor Jerry P. Treñas at MPWIC President and CEO Andrew Pangilinan ang ceremonial contract exchange ceremony para sa pagpapatayo ng state-of-the-art Integrated Solid Waste Management Facility (ISWMF).
Nauna rito, inilabas ng notice of award sa MPW noong Disyembre 19, 2023, matapos nakumpleto ng pamahalaang lokal ang competitive challenge matapos na walang ibang comparative proposals na natanggap.
“This outcome marks a historic milestone for us — building one of the country’s most technologically advanced waste recovery facilities only here in Iloilo City,” pahayag ni Treñas.
Ang contract exchange ceremony ay dinaluhan din ng mga opisyal ng lungsod at nina Metro Pacific Iloilo Water (MPIW) Chief Operating Officer Rob Cabiles, at MetPower Venture Partners Holdings, Inc. (MVPHI) President and CEO Jose Maria Madara.
“We are very grateful to the Iloilo City Government for its support of this project. We applaud Mayor Treñas for his leadership and commitment to bettering the lives of Ilonggos,” sabi ni Pangilinan.
MVPHI, na isa pang wholly-owned subsidiary ng MPIC, ang mangunguna sa implementasyon ng proyekto.
Ang proyekto na ipapatayo sa Barangay Ingore, La Paz ay may kapasidad na mag-proseso ng 475 tonelada ng basura kada araw.
Ang pasilidad ay inaasahang makalikha ng hanggang 3.5 megawatts ng kuryente bilang dagdag na suporta sa 10 megawatts para sa desalination plant. Ang desalination plant naman ay makapagdadala ng karagdagang water supply na maaring ipagbili sa mas mababang presyo sa mga residente ng lungsod.
Bilang modelo ng PPP, ang lungsod ay gagamit ng isang makabagong teknolohiya na magdadala ng mga benepisyo mula sa basura.
Malaking tulong ang proyekto upang makamit nito ang waste disposal requirement pamamaraang makabubuti sa kalikasan.
Ang proyekto ay inaasahang makapagbabawas ng 129,000 metric tons ng CO2 equivalent ng basura kada taon.
“Our country desperately needs environmental solutions to address its waste management woes and at the same time provides energy security through the production of base load renewable energy. We are excited to undertake this project and believe this will be the first of many more to come,” pahayag ni Madara.