Ang nakumpiskang baril at droga sa Cabanatuan City. Kuha ni Steve Gosuico
P.3M shabu, boga nakuha sa kelot, 44, sa Cabanatuan
CABANATUAN CITY–Nasakote ang 44-anyos na lalaki dito dahil sa shabu na nagkakahalaga ng P374,000 at hindi lisensyadong cal .38 na baril noong Linggo.
Kinilala ni Lt. Col. Renato Morales, hepe ng pulisya, ang suspek na si alyas Boris, 44, ng Tierracon Homes 1, Block 10 Lot 4, Bgy. Bangad, Cabanatuan City.
Ikinasa ang buy-bust sa Purok Fortaleza, Brgy. Bangad dakong alas-12:05 ng madaling araw.
Sinabi ni Morales na nakabili ang isang police poseur-buyer ng shabu na nagkakahalaga ng P1,000 kaya naaresto ang suspek at nakuha ang shabu na tumitimbang ng 55 gramo at isang baril.
Samantala, sa Palayan City isa pang 61-anyos na drug suspek ang nasakote noong Linggo.
Karpintero at binata ang suspek na taga-Brgy. Atate, Palayan City.
