Masbate niyanig ng magnitude 5.0 lindol
INUGA ng magnitude 5.0 na lindol ang siyudad ng Masbate, ayon sa Philippine Institute of Volcanology and Seismology (Phivolcs).
Sa monitoring ng ahensiya, bandang 3:22 a.m. ng maramdaman ang malakas na lindol sa siyudad ng Masbate.
Tectonic ang origin ng lindol at 15 kilometer ang lalim nito sa lupa.
Sa lakas ng lindol ay naramdaman ang Intensity V sa Masbate City; Intensity III sa Legazpi City, Albay; Irosin at Sorsogon City, Sorsogon, Mahaplag, at Leyte.
Intensity II naman sa Aroroy, Masbate, Tabasco, Albay at Intensity I sa mga lugar ng Naval, Biliran; Iriga City at Pili, Camarines Sur; Calubian at Ormoc City, Leyte; at Prieto Diaz, Sorsogon.
Ayon sa Phivolcs, inaasahan ang posibleng “aftershocks” kaya pinag-iingat ang mga residente sa mga nasabing lugar na nakaramdam ng paglindol.
