MARAMI ang natuwa at kinilig sa balita ng nalalapit na pagpapakasal ng Korean superstars na sina Hyun Bin at Son Ye-jin, mga bida sa hit K-drama na Crash Landing On You sa Netflix, at kabilang na rito ang Kapuso Primetime Queen na si Marian Rivera.

Isang self-confessed Hyun Bin fanatic, nag-post pa si Marian sa Instagram Story niya kahapon ng pagbati sa mga ikakasal.

Sa litratong ipinost, sinabi ni Marian na “Hyun Bin and Son Ye-jin personally announced they’re getting married!!” sabay lagay ng makulay at malaking “Happiness” in capital letters.

Matatandaan na sa previous interviews ng Kapuso actress, eh, naging very vocal siya sa pagkakaroon ng crush kay Hyun Bin.

Katunayan, ito lang daw ang crush niya na hindi kailanman maaring pagselosan ng mister niyang si Kapuso Primetime King Dingdong Dantes.

Gaya ni Marian, ang ilan pang open sa pagiging fangirl ng gwapong K-actor ay sina Megastar Sharon Cuneta, Charo Santos-Concio, Regine Velasquez, Janice de Belen, Heart Evangelista, Tintin Bersola, Arlene Muhlach, Pia Arcanghel, Leyte representative Lucy Torres-Gomez at marami pang iba.

Sa kanya-kanyang IG accounts din in-announce ng K-pair ang nalalapit na kasal sa Marso.

Sabi ni Son Ye-jin (@yejinhand) sa IG post: “I thought long and hard about how to share this story because it’s an important one. I found someone to spend the rest of my life with. Yes… it’s him.

Boy meets girl, recognized each other in the crowd, promises to build a future together… i couldn’t imagine!

“It happened so naturally… but isn’t that destiny?

“Just being with him, I feel warm and protected. Please help us celebrate the beginning of our future.

“And to my dearest fans, I have received unconditional love and for a long time now, I thought, there’s no way to repay it. Please know that I’m infinitely grateful and I also wish you all happiness!”

Si Hyun Bin naman, ito ang pahayag sa official Instagram ng kanyang management agency: “I’ve made an important decision to get married and am trying to step carefully in the second act of my life.”

Sa isang undisclosed venue sa Seoul, Korea ikakasal ang dalawa kasama lamang ang kanilang mga magulang, kamag-anak at mga kaibigan, ayon sa management teams na Vast Entertainment at MSTeam Entertainment.

Matatandaan na umaming magdyowa sina Hyun Bin at Son Ye-jin matapos gawin ang CLOY.