ISA na namang natatanging parangal ang tinanggap ng kilalang philanthropist na si Manjinder ‘James’ Kumar na kinilala bilang Most Outstanding Humanitarian in the Field of Public Service ng America Excellence Award 2023.

Ginanap ito noong August 20, 2023 sa pamosong Red Carpet ng Celebrity Centre International Hollywood, California, USA.

Si Kumar, founding president ng Filipino-Indian Commerce & Welfare Society Inc., ay makailang ulit na nating naisusulat dahil sa walang humpay na pagtulong sa mga kababayan nating mahihirap.

Halos hindi ko na mabilang ang iba’t ibang award at papuri na natatanggap nito bunsod sa mga kabutihang ibinibigay sa mga kababayan nating nangangailangan.

Katunayan, si Kumar ay dalawang ulit ding itinanghal bilang Philanthropist of the Year para sa taong 2021 at 2022 ng prestiyosong Asia Leaders Awards.

Aktibong pinuno rin si Kumar sa Rotary Club Makati Nielsen at isa rin sa masisipag na opisyales ng Volunteers Against Crime and Corruption (VACC) na takbuhan at tagapagtanggol ng mga kababayan nating biktima ng ‘heinous crime.’

Mula sa natatanging pagkilala sa Asia Leaders Awards at iba’t iba pang parangal dito sa Pilipinas, nag-level up na ang pagbibigay-pugay sa kadakilaan ni Kumar dahil mismong pamunuan ng America Excellence Award naman ang nakapansin sa kanyang mabubuting gawa.

“My deepest gratitude to America Excellence Awards for the Most Outstanding Humanitarian in the Field of Public Service 2023 award. Less talk more action always does the job. This acknowledgment will serve as my fuel to do more and inspire others to do more,” ani Kumar sa pagtanggap ng parangal.

“Thank you Lord for providing me with good health and strength to never tire of making a difference in the world, no matter how small they may be. To my wife and children, thank you to all of you. The most amazing family I could have asked for, I love you so much,” wika pa ni Kumar.

Bunsod sa parangal na ito, ‘proud’ din ang buong Filipino-Indian community sa Pilipinas dahil batid nilang ang isang kababayan na katulad ni Kumar ay isang taong may mabuting puso at palaging nakahandang tumulong sa kapwa.

Bukod kay Kumar, marami pa tayong kababayan na binigyan din ng award sa AEA 2023.

Tulad ni Kumar, sila ay lumipad din pa-America upang personal na tanggapin ang natatanging parangal na ibinigay sa kanila.

Ilan sa sa mga ito ay sina Cebu City Mayor Michael Rama at Marawi City Mayor Maul Usman Gandamra na kapwa tumanggap ng Lifetime Achievement Award. Si Ernesto Agouti III bilang Most Outstanding Young Filipino in the Field of Public Service 2023.

Si Sultan Yasser Abdulmalic bilang Most Outstanding Civic Leader in the Field of Public Service, Ms. Angel Ram bilang Most Influential Female Fil-Am Artist; Jay Lan Manalo bilang Best Actor of this Generation; Catalina Chua na founder ng All Sisters NGO na tumanggap bilang Most Empowering Humanitarian Group; Atty. Roy Seneres, Jr., at Monique Jamarilllo-Seneres bilang mga Outstanding Advocates for the Protection of OFWs and Families; Dr. Jonatha Belcina-Leicher, Most Exceptional Healthcare Leader and Advocate; Glenda Dela Cruz, Dynamic Woman Entrepreneur 2023.

Ang veteran actor na si Rey PJ Abellana ay tumanggap din ng Lifetime Achievement Award, habang itinanghal bilang Most Outstanding Actress of the 90’s Award si actress na si Beth Tamayo-Huthchinson; Gabriel Paolo Dino Lagman, Most Outstanding Young Actor; gayundin ang mag-asawang Mario Alcaraz at Precious Lara Quigaman-alcaraz bilang Most Influential Couple; Garth Garcia, bilang Male Pop Artis of the Year; Mary Joann Murphy bilang Most Influential in the Field of Interior Design.

Natutuwa rin tayong malaman na ang dating kasamahan nating ‘beat reporter’ na si Ms. Jennylei Caberte ay pinarangalan din bilang Most Influential Public Relations Executive and Media Strategist. Congrats sa iyo, Jen.

Gayundin ang pagkilala naman para sa Early Response Network (ERN) bilang Most Outstanding Humanitarian Volunteer Group at ang Philippine Digital Medicine society bilang Leadership in Healthcare Innovation.

Ang America Excellence Awards ay isang prestiyosong award giving body na nirerepesto, hindi lamang sa Estados Unidos kundi sa buong mundo.

“We are a prestigious awards organization dedicated to celebrating excellence and promoting best practices in various industries.

Our mission is to recognize and honor outstanding organizations and individuals that have demonstrated exceptional performance, innovation, and leadership in their respective fields. Our awards program is designed to showcase the best of America’s business community, inspiring others to reach new heights of achievement,” sabi sa website ng AEA.

Dahil dito, muli nating sinasaluduhan si Kuya James Kumar, gayundin sa mga kapwa sa mga kapwa niya awardees.

Congratulations po, and ‘May your tribe increase, mga Lodi!”