HINAMON noong Lunes ni Major General Mario A. Reyes, hepe ng Philippine National Police Directorate for Logistics, ang mga kapwa law enforcers na hulihin at kasuhan ang mga influence peddlers at name droppers para lang makaligtas sa mga traffic violations at iba pang iligal na aktibidad.

Umapela si Reyes matapos na isang babae na nagpanggap na kamag-anak niya ang nagpakilalang opisyal ng Intelligence Service of the Armed Forces of the Philippines matapos ma-flag down ng mga traffic enforcers dahil sa pagdaan sa EDA bus way noong nakaraang lingo.

“I strongly condemn the act of namedropping me in a recent incident regarding a traffic violation of the EDSA bus lane policy.

I want to make it clear that this person who introduced herself as Major Miguel of the AFP is not a relative by blood nor by affinity. I never met her in any capacity,” sinabi ng general.

“Any attempt to exploit the name or reputation of a law enforcement officer for personal gain or to avoid accountability is utterly unacceptable and undermines the integrity of our organization.

The PNP enforces the law without fear or favor,” dagdag pa niya.

Kamakailan lang, hinamon ang liderato ng AFP na mag-file ng kasong usurpation of authority laban sa lady driver na nagpakilalang ‘major’ ng ISAFP at hindi lang i-deny na miyembro ng AFP ang naturang namedropper.

Kinilala ang babae na si Cherry Miguel, na nagpakilalang “Major Miguel” ng ISAFP at kasama sa ginaganap na Philippines- United States ‘Balikatan’ exercises matapos harangin dahil sa pagdaan sa exclusive bus lane sa Makati City.

Nang hingan ng kanyang driver’s license, nagmatigas ang babaeng driver.

Makikita at maririnig sa sang video na kumakalat sa social media na nagpakilalang ‘pamangkin’ ni Major General Reyes ang naturang babae.

Nagalit ang totoong Maj. Gen. Reyes sa ginawa ng babae at sinabing hindi niya ito kilala at hindi niya ito kamaganak.

Naglabas na ng ‘show-cause order’ ang Land Transportation Office laban sa lady driver para humarap sa ahensiya at ipaliwanag ang kanyang panig.

Noong Sabado, sinabi ni AFP spokesperson, Colonel Francel Margareth Padilla na nagpanggap lang na opisyal ng AFP ang babae nong mahuli siya sa EDSA busway.

“She’s not a member of the AFP. As per initial checking, we do not have that personality within the office that she was mentioning in the video that was posted,” ayon sa opisyal.