DOT sec, UN sec gen nanguna sa Cebu tourist event
PINANGUNAHAN nina Department of Tourism (DOT) Secretary Cristina Garcia-Frasco at World Tourism Organization Secretary General Zurab Pololikashvili ang United Nations Tourism Organization (UNTO) sa Cebu City.
Sa pagbubukas ng programa, sinabi ni Frasco na: “Ite-treat namin kayong lahat sa isang regional lunch na inihanda ng aming mga chef mula sa buong Pilipinas.”
Ayon sa kalihim, magkakaroon ang mga delegado ng pagkakataong makilala ang lalawigan ng Cebu sa mga technical tour na inihanda sa pakikipagtulungan ng Cebu Provincial Government.
“Magkakaroon ka rin ng pagkakataong madaanan ang ating Tourist Rest Area sa Carcar City at hindi lamang ikaw bibigyan ng pasilip sa mga munisipalidad at lungsod na aking nabanggit, kundi isang pasilip sa buong Cebu sa pamumuno ng ating Gobernador Gwen Garcia.”
Bilang karagdagan sa UN Tourism Regional Forum on Gastronomy Tourism for Asia and the Pacific, magho-host
ang Pilipinas ng 36th Joint Commission Meeting ng Commission for East Asia and the Pacific at ng Commission for South Asia (CAP-CSA) sa Hunyo 28.
“Sa wakas, sa Biyernes, idaraos natin ang prestihiyosong 36th Joint Meeting ng UN Tourism Commission for East Asia and the Pacific at ng Commission for South Asia.
Ang kaganapang ito pararangalan ng hindi bababa sa ating Pangulong Ferdinand R. Marcos Jr.
Ang kanyang pagdalo binibigyang-diin ang katayuan ng Pilipinas sa pandaigdigang larangan ng turismo at ang ating pangako sa pagpapaunlad ng pandaigdigang kooperasyon at napapanatiling pag-unlad ng turismo,” pahayag ng DOT chief.
Pinuri ng UN Secretary General ang DOT sa pagho-host ng inaugural event.
“Ang kaganapang ito dito isang makasaysayang araw dahil ipinagdiriwang natin ang unang beses na gastronomy forum sa rehiyon, at ito hindi lamang gastronomy, kultura ito,” sabi ng UN official.
Sinabi ni Polikashvili na sa ilalim ng kanyang pamumuno, nais niyang mag-iwan ng legacy sa organisasyon at kabilang sa kanyang mga panukala ang magtatag ng educational gastronomy center sa Pilipinas, partikular sa Cebu.
