CinePanalo 2024 winners with Puregold marketing manager, Ivy Piedad (2nd from left) and festival director, Chris Cahilig (far right)
CinePanalo 2025, mas malaki ang grants, mga kilalang direktor, producer sumali
SA launch ng Puregold CinePanalo Film Festival na ginanap sa Cinema 16 ng Gateway 2 noong July 23 (bago maganap ang Carina), nagpahayag ng iba’t ibang magagandang karanasan ang student filmmakers awardee na sina Jenievive Adame, Best Director winner Dizelle Masilungan, at regional filmmakers Marian Jayce Tiongzon and Joanah Demonteverde sa kanilang pagsali sa naturang filmfest.
Kaya naman abot tenga ang ngiti ng festival director na si Chris Cahilig. Dahil sa magandang resulta nito, na-inspire pa ang maraming filmmakers and writers at posibleng umabot sa mahigit 140 ang mag-submit ng script para sa 2025 edisyon ng naturang filmfest.
Sabi ng Puregold Senior marketing manager na si Ivy Piedad , “When we first launched CinePanalo, we envisioned it to champion Filipino stories, advocate for student filmmakers by providing them with a platform for their dream short films, and elevate the local film scene.”
Ayon kay Direk Chris, magugulat ang lahat dahil bukod sa mga baguhang filmmakers, maraming mga kilalang pangalan ang sumali.
Dahil dito, ngayong 2025 ay madagdadagan ang funding pool para sa mapipiling filmmakers, with seven full-length directors set to receive a production grant worth P3 million.
At ang 25 selected student short film directors will receive a production grant worth P150,000. Seven full-length film grants are to be given this time around, surpassing last year’s six.
Ang last day ng submission para sa full length scripts (Panalo Stories) ay sa July 30 at August 15 naman para sa student shorts. Sa September 26 naman ang announcement ng 25 grant awardees.
Ang nakatutuwa pa, ang winning film nila noong nakaraang CinePanalo Film Festival na “Under A Piaya Moon” na idinirek ni Kurt Soberano ay naimbitahang maitanghal sa ilang film festivals sa ibang bansa.
Mensahe ni Direk Kurt na kasalukuyang nasa Negros kaya hindi nakarating sa mediacon (pero nagpadala ng video speech):
“For me to reach my dream which is to make may first ever full-length feature. I started out as a filmmaker making short films here in the City of Bacolod. Stories that evolves around my province of Negros Occidental.
“Last August 20, 2023, I saw a call for entries for Puregold’s CinePanalo Film Festival, we applied and luckily we got accepted to top 15 and after our pitching we are very lucky to be included in the top 6 and the rest I history,” kuwento ni Direk Kurt.
Sabi pa niya, “I would like to extend my deepest gratitude to executive producer of Puregold CinePanalo, Mr. Chris Cahilig, Ms. Ivy Piedad and most especially to Mr. Vincent Co.”
Sa aspetong ito, muli na namang nanalo ang Puregold.
