Aminado ang isa sa hosts ng E.A.T. na si Carren Eistrup na may pressure on her part kapag sinasabing siya ang biggest artist ng Merlion Entertainment.

“The pressure is normal,” aniya nang makausap namin siya sa trade launch ng Merlion Entertainment, “kasi parang sa akin po talaga nakatutok ‘yung mga tao kasi ayun nga, host and everything, but we’re all ano naman, we’re all fair, everyone is talented, especially our singers. Meron din kaming model, actresses.”

Mula nang manalo si Carren sa “Bida Next” ng original Eat Bulaga ay talagang nagdire-diretso na sa showbiz ang dalaga.

Malaki rin ang pasasalamat niya sa Merlion sa lahat ng pag-alalay at effort na ginagawa sa kanya para mas lalo pang mahasa ang kanyang skills.

“After I won ‘Bida Next’, they (Merlion) helped me to become a better performer kasi ayun nga po, in showbiz, you have to improve every day,” aniya.

Sa nasabing trade launch ay 20 exceptional talents ang ipinakilala ng Merlion sa entertainment press sa pangunguna nga ni Carren.

Kabilang din dito ang girl group na Calista, Binibining International 2022 Nicole Borromeo, singer/songwriter Tera, “Sing E.A.T.” finalist Luna and Calista na binubuo nina Olive, Anne, Elle, Daine and Denise na mas nakilala nga sa hot songs nilang Race Car and Don’t Have Time at marami pang iba.

“This is just the beginning for Merlion Entertainment. Get ready to be dazzled as we gear up to produce more sensational shows and events, and even launch more new artists next year to entertain the fans and audience,” pahayag ni Gener Dungo, Merlion Entertainment CEO.

AUTHOR PROFILE

Vinia Vivar