TILA isang lucky fangirl ang model-actress na si Andrea Brillantes matapos niyang makasama sa dinaluhang fashion show ang kanyang mga iniidolo na Hollywood stars, kabilang ang American socialite at media personality na si Kylie Jenner at American singer-actress na si Halle Bailey.

Sa kanyang Instagram post nitong Martes, Setyembre 26, ibinahagi ng “Senior High” star ang ilang larawan mula sa huling fashion show na kanyang pinuntahan sa fashion week na ginanap sa Milan, Italy.

Ikinuwento nga ni Andrea na nakasama niya sa show mula sa audience ang kanyang matagal nang iniidolo na “Keeping Up with the Kardashians” star.

“I still can’t believe that I was in the same room as my long-time idol, Kylie Jenner. Almost the entire time, my eyes were fixed on her,” sey ng aktres.

Nagkaroon din siya ng solo moment kasama ang aktres na gumanap bilang Ariel sa live adaptation ng animated film na “The Little Mermaid”. Aniya, kinilig siya nang makapagpa-picture siya kasama si Halle.

“And of course, I was so kilig to have a picture taken with the Little Mermaid Halle!! because it has always been my dream to become a mermaid, haha! She was incredibly kind! It was a truly wonderful experience to meet her,” wika ni Andrea.

“Baby Blythe would have totally freaked out,” saad pa niya sa kanyang X post.

Matatandaang kamakailan lamang ay nakasama rin ni Andrea ang kapatid ni Kylie Jenner at American model na si Kendall Jenner sa isa ring fashion show sa Milan.

Pinahayag din ng aktres na hindi niya makakalimutan ang kanyang pagpunta sa Milan para sa fashion week. Nagpasalamat din si Andrea sa kanyang mga nakatrabaho.

“What an incredible experience it has been! I had the opportunity to attend three shows by big brands. Being able to go to Milan for fashion week means a lot to me, and I will always be grateful for this experience,” saad ni Andrea.

“It will be a core memory for me. I want to express my gratitude to everyone I was with and thank them for taking care of me,” dagdag pa niya.

AUTHOR PROFILE

People's Tonight