DALAWANG suspek sa pagbebenta ng shabu ang nahuli sa buy bust ng Regional Drug Enforcement Unit ng National Capital Region Police Office (NCRPO) noong Miyerkules ng gabi, napag-alaman ng People’s Tonight.

Kinilala ni NCRPO director Major General Jose Melencio C. Nartatez Jr. ang dalawang akusado na sina alyas Fahad, 24; at Jay, 21.

Sinabi ng opisyal na nahuli ang dalawa sa narcotics operation bandang alas-8:40 ng gabi noong Huwebes sa Magsaysay Extension malapit sa kanto ng Maguindanao Street, Barangay New Lower Bicutan sa Taguig City.

Nasamsam sa dalawa ang humigit-kumulang 250 gramo ng shabu na may standard drug price na P1. 7 milyon.

Nakakulong sa lock-up facility ng NCRPO-RDEU sa Camp Bagong Diwa sa Bicutan, Taguig City ang dalawa na nahaharap sa mga non-bailable na kaso ng pagbebenta at pagiingat ng ipinagbabawal na gamot sa ilalim ng Republic Act 9165 o ang Comprehensive Dangerous Drugs Act of 2002.

Ang mga kaso ay isinampa ng NCRPO-RDEU sa Taguig City Prosecutor’s Office.

AUTHOR PROFILE

Alfred P. Dalizon