Hindi na nakapalag ang suspek na may kasong tangkang pagpatay sa mga pulis matapos arestuhin sa Binondo, Manila.
Suspek sa tangkang pagpatay nahuli
LAGLAG sa kamay ng mga pulis ang isang lalaki dahil sa kasong attempted murder sa Lachambre St. malapit sa kanto ng Meisic St., Brgy. 293, Binondo, Manila noong Lunes.
Ayon sa report ni Police Lieutenant Colonel Roberto Mupas, commander ng MPD-Binondo police station 11, bandang alas- 2:00 ng hapon nahuli si alyas Jommel, 39.
Dahan-dahang nilapitan ng mga tauhan ng Warrant and Subpoena section ang suspek at agad na dinakma kaya nahuli sa tulong ng warrant of arrest na inisyu ni Judge Ihmie Michiko Custodio Gacad-Presto, Presiding Judge ng MTC Branch 5 para sa kasong tangkang pagpatay.
