Larawan mula sa IG/@roderickpaulate
Roderick Paulate: Hindi ako nakulong
PINABULAANAN ng actor-comedian na si Roderick Paulate ang isyung pinaniwalaan ng mga taong siya’y nakulong matapos makasuhan ng graft.
Sa latest vlog ng entertainment reporter na si Ogie Diaz, napag-usapan nila ni Roderick ang mga taong naniniwalang nakulong siya.
“Nagko-comment yung mga tao, akala ko nakakulong yan?” sey ni Ogie.
“Once and for all, hindi po ako nakulong,” saad naman ni Roderick.
Kuwento ng actor-comedian, na-dismiss umano ang kanyang kaso pero patuloy pa rin ang paglaban ng nagdemanda kaya hindi pa ito opisyal na tapos.
May pahayag din si Roderick na hindi raw patas ang pagbabalita sa kanya at naka anggulo lamang sa mga negatibo kaya raw siya umano pinagpipiyestahan ng publiko. Dahil nang ma-dismiss naman daw ang kanyang kaso ay hindi ito masyadong pinag-usapan.
“Totoo ‘yun ‘yung lumabas sa news pero hindi naman sinasabi ng news kung ano ‘yung mga legal procedure na mangyayari,” wika ni Roderick.
“Bakit gano’n? Noong negatibo, ang laki-laki ng balita. Yes, pinagpiyestahan ako. Pero bakit noong in-acquit ako at dinismiss ang kaso ng court of appeals, bakit hindi niyo rin pinagpiyestahan at hindi kayo nag-hallelujah?” pagpapatuloy ng actor-comedian.
“So, I find it unfair,” aniya pa.
Matatandaang nakasuhan ng graft si Roderick dahil umano sa pagha-hire niya ng mga ghost employee noong konsehal pa siya ng Quezon City.
